Kontakt

Pestalozzistraße 14
92648 Vohenstrauß
Telefon: +49 9651 9230-0
Fax: +49 9651 9230-25
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Dialekt-Eckerl Adventskalender: 19. Dezember

1

Oh mei, ajtz gajt des „Last Christmas“ – Gedudel wieder aa. Langt´s ma scho wieder.

2

Ajtz bass aaf, wenn´s erste Steiml Schnaj fallt, dann bringt der BR wieder an Brennpunkt „Bayern versinkt im Schnee.“

No, des san da so Kaschpern. Schifoan walln´s scho, aber aaf da Strouß sull koi Keandl Schnaj liing.

3

Heind hot der Naidu Fere Namensdooch.

Der wer?

Na, die Neidu ihra Xare.

Kenn i niad.

Du wirst doch den Xavier Naidoo kenna! Haja halt aaf.

4

Heind is Barbara! Frajas hout ma zu da Barbara fei Bawet gsagt.

5

Houst gestern a Barbara- Zweicherl ins Wasser gstallt? Des treibt dann an Weihnachten aas.

6

Und, hot da da Nikolaus wos Gscheids mitbracht? Oder hot di der Krampus in Sook einegsteckt?

7

Gajhst heind aaf d´Nacht in Adventsgottesdienst? Da singa s´wieder morz!

Ja fraale, asserdem mou i eh ministriern.
8

Mei Oma und mei Mama ham a „battl“, wer majanda Blätzl bacht.

Also mir is des wuascht, wer gwinnt. I iss halt dann daj ganzn Blätzla zam.

9

Woast eigentlich scho amal in ana Rorate-Mess?

Naa, vor ladder Weihnachtsfeiern kumm i da niad dazou.

Na servus!
10

Heind hot d´Eulalia Namensdooch.

Na den Nama konnst da miakn. Wennst amal a Kind graigst, na kannstas so daffn. Waal, des dad zu dir bassn.

11

Wann homm denn d´Woihauser heier wieder ihra Neujoaskonzert?

Woiss i niad, awer prom dain s´ scho wieder waj die Wüldn.
12

I soch da oins, wenn i den George Michael mit seim damischn Gsangl nu amal heer, dann hau i ´n Radio zam.

Also i woiss niad, wos du host. Mia gfallt des scho.

13

Heind is Lucia – moinst, da hoot d´Frau Gollwitzer Namensdooch?

I glaab, daj is evangelisch.

14

Dass ma im Advent allerwaal so a Rennerei houd, gall. Niad amal am Wochenende host dein Fried. Fuachtboa.

15

Wennst an Radio aafdraast, na schebern allerwaal de Ross mit ihrane Gleckaln. Dawall kannt koina mäjia mim Rooßschliin umananderfoan, han ja alle Stroußn gsalzn.

16

Mei, wean dai Verkeifferinnen frou saa, wenn´s wieder a weng staader zougajt. Is ja der Wahnsinn, waj lang d´ Gschäfter offa ham.

Noo. Waj wenn ma majandda kaffa kannt, wenn länger off is, gall? Deszweng braucht ma doch aa niad majandda Zeich und houd ma niad majanda Gald.
17

Heia hammer fei lange Weichnachtsferien!

I gfrei mi draaf waj a Haus, des socha da.
18

Kannt amal wieder a weng a Schnajchaos saa. Vielleicht faalt dann d´Schall aas.

19

Mei Mamma mammst, weils so vül zougnumma houd die letzten Dooch.

Ha - haja blooß aaf, mei Vadda, der schdallt se scho goua nimma aaf d´Wouch affe.

Scho nasch, gall? Eigentlich is der Advent a Fastenzeid. Und mir haua uns dauernd d´Beich vull.

Wall´s halt so schmeckt, des saisse Zeich.

Noja, a Ganserl moch i scho aa! Dees mou goua niad saiss saa!

Drucken

WEB Logo Europa Urkunde ohne CMYK 300dpi DINA4 smartschool

MINT21 digital

 logo bestenfoerderung Delf Scolaire CMJN

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.